ბავშვები ღატაკთა თავშესაფრიდან და მათი მფარველი ანგელოზი

რუბრიკა: ისტორიები

 

ერთხელ, ერთი–ერთი ამერიკული კოლეჯის პროფესორმა, სოციოლოგიის ჯგუფის სტუდენტებს შესთავაზა დაევლოთ ქალაქის ღატაკთა თავშესაფრები და შეეგროვებინათ ინფორმაცია ბავშვებზე, რომლებიც ამ თავშესაფარში ცხოვრობდნენ. მან თხოვა სტუდენტებს შეეფასებინათ თითოეული მათგანის სამომავლო შანსები. საერთო ჯამში ინფორმაცია შეგროვდა სხვადასხვა ასაკის 200 ბავშვზე. ყოველი მათგანის ცხოვრების პირობების შესწავლის შემდეგ სტუდენტები ამბობდნენ თითქმის ერთი და იგივეს:

„ მას არა აქვს არანაირი შანსი.“

25 წლის შემდეგ იმავე კოლეჯის სხვა პროფესორმა შემთხვევით აღმოაჩინა ამ გამოკვლევის შედეგები და გადაწყვიტა გაეგრძელებინა პროექტი.

მან დაავალა სტუდენტებს მოეკვლიათ ცნობები ამ 200 ბავშვის შესახებ. სტუდენტებმა შეძლეს ინფორმაციის მოძიება 180 ბავშვზე (დარანრჩენი 20–დან ზოგი გარდაიცვალა, ზოგმა კი ადრევე დატოვა თავშესაფარი და მათი კვალი დაიკარგა). აღმოჩნდა, რომ 176 ბავშვი, ამ 180–დან, წარმატებული ადამიანი გახდა. ისინი იყვნენ წარმატებული ცხოვრების სხვადასხვა სფეროში: იურისპრუდენცია, მედიცინა, ბიზნესი, პოლიტიკა და ა.შ.

პროფესორი გააოგნა ასეთმა შედეგმა. მან გადაწყვიტა გამოეკვლია ასეთი საოცარი შედეგების მიზეზები. ის სათითაოდ დაუკავშირდა თითოეულ მათგანს და დაუსვა შეკითხვა:

– რაშია თვენი წარმატების საიდუმლო?

პასუხებმა პროფესორი კიდევ უფრო გააოცა.

– ეს ჩემი მასწავლებლის დამსახურებაა – ამბობდნენ ისინი და ყველა ერთი და იმავე მასწავლებელს ასახელებდა.

პროფესორმა გადაწყვიტა მოენახულებინა ეს მასწავლებელი. ის უკვე ხანში შესული, მაგრამ მაინც საკმაოდ ენერგიული და სიმპათიური ქალი აღმოჩნდა.

პროფესორმა აუხსნა თავისი მოსვლის მიზეზი და ჰკითხა:

– მითხარით თუ შეიძლება, რა მაგიური ფორმულა გქონდათ ასეთი, როგორ შესძელით ისეთი საშინელ პირობებში მცხოვრებ ბავშვებზე ისეთი კეთილისმყოფელი გავლენა მოგეხდინათ, რომ გამოგეთრიათ ისინი ღარიბთა თავშესაფრებიდან და გექციათ წარმატებულ ადამიანებად?

მასწავლებელს სახე ღიმილმა გაუნათა:

–  ძალზე მარტივად. – უპასუხა მან. – მე მიყვარდა ეს ბავშვები!
 

შევხვდებით მწვერვალზე!
 
 

სიყვარულით და მადლიერებით, ხვიჩა მებონია

 

წყარო: ჯეკ კენფილდი -«სულის მალამო» 

 

 

10 ყველაზე ცნობილი შეცდომა, რომელიც დაუშვეს თავიანთ სფეროში ავტორიეტეტებად აღიარებულმა ადამიანებმა

თუ თქვენ მოგივიდათ რაიმე იდეა, მაგრამ აღმოაჩინეთ, რომ თქვენთვის ავტორიტეტული ადამიანები და შესაბამისი სფეროს ექსპერტები მას არარეალურად ან სულაც უაზრობად თვლიან, ნუ დაყრით ფარხმალს.   გაგრძელება »

სხვა სამყარო, სადაც შეიძლება იმღერო

როცა ჩვენს სახლში გამოჩნდა პირველი ტელეფონი, მე საკმაოდ პატარა ვიყავი იმისთვის რომ მივწვდომოდი კედელზე დაკიდებულ ყურმილს და ყოველთვის მოჯადოებული ვუყურები თუ როგორ საუბრობდნენ ჩემი მშობლები მისი მეშვეობით.

ცოტა მოგვიანებით, მე მივხვდი, რომ ყურმილში იჯდა ადამიანი, რომელსაც ერქვა, „ოპერატორო, თუ შეიძლება“ და არ არსებობდა საკითხი, რომელზეც ამ საოცარ ადამიანს არ ჰქონდა პასუხი.  გაგრძელება »

როგორ დავგეგმოთ ეფექტურად მთელი წელი, ახალი წლის პირველი 12 დღის მეშვეობით

2016

ჩემო არაჩვეულებრივი, საყვარელო, უნიჭიერესო, გენიალურო, პოზიტიურო, მხიარულო, ბედნიერო მკითხველებო, ძველო თუ ახალშეძენილო მეგობრებო, გილოცავთ ახალ წელს, გისურვებთ კიდევ უფრო მეტ ბედნიერებას, კიდევ უფრო მეტ ჯანმრთელობას, ხვავს, ბარაქას, სიყვარულით  და სინათლით სავსე დღეებს.

შარშან ახალ წლებზე, ფოსტაზე მივიღე ჩემი არაჩვეულებრივი მოლდოველი მეგობრის,უჭკვიანესი და უალამაზესი ქალბატონის, ფსიქოლოგ ანტონინა ლიტოვკას წერილი რომელშიც ის მოლოსცვასთან ერთად იძლეოდა ძალზე საინტერესო ანალიზს ახალი წლის პირველი 12 დღის შესახებ. ეს ყველაფერი იმდენად საინტერესო აღმოჩნდა რომ მაშინვე ვთარგმნე და გავუზიარე ჩემს მკითხველებს. უკვე ერთი წელი გავიდა მაგრამ ეს ანალიზი და რჩევები ისევე აქტუალურია როგორ შარშან, ამიტომ გადავწყვიტე ისევ გაგიზიაროთ.

მაშ ასე, ყურადღებით წაიკითხეთ შედგომი ტექსტი და რაც მთავარია შეეცადეთ გაითვალისწინოთ წაკითხული.

„ადამიანთა უმრავლესობისთვის ახალი წელი ჯადოსნური დღესასწაულია, მაგრამ დროთა განმავლობაში მან დაკარგა თავისი მაგიური მნიშვნელობა. და რაც უფრო მეტად ვშორდებით მის ჭეშმარიტ არსს, მით უფრო მეტად ემსგავსება ის ჩვეულებრივ ქეიფს, რომლის მთავარი შემადგენელიც სასმელ-საჭმელი, სადღერგძელოები და ცეკვა-თამაშია.

რა თქმა უნდა დღესასწაულის ეს ნაწილიც მნიშვნელოვანია, მაგრამ ახალ წელს აქვს სხვა ბევრად უფრო მნიშვნელოვანი მხარეც, რომელიც დროთა განმავლობაში მივიწყებულ იქნა.

ახლა მოდით და შევეცადოთ მივუდგეთ ამ მოვლენას მთელი პასუხისმგებლობით და გაცნობიერებულობით. თქვენ ალბათ გსმენიათ „ახალ წელს როგორც შეხვდები, ისეთნაირადვე გაატარებო“. ეს ერთგვარად მართალიცაა, მააგრამ მნიშვნელოვანია არამარტო ახალი წლის შეხვედრა, არამედ ისიც თუ როგორ გავატარებთ ახალი წლის პირველ დღეებს.

ახალი წლის პირველ 12 დღეში იმალება მაგიური არსი. ჩვენი პლანეტა საკუთარი ღერძის გარშემო ერთ შემობრუნებას ანდომებს ერთ დღე-ღამეს და ამ ხნის განმავლობაში გადის აღმოსავლეთით ზოდიაქოს 12-ვე ნიშანს. შემდეგ კი წლის განმავლობაში მზე გაივლის ამ 12-ვე ზოდიაქოს.

სწორედ ამიტომ ახალი წლის შემდგომ თითოეული დღე პროეცირდება იმ წლის თითოეულ თვესთან. ანუ, როგორიც იქნება ახალი წლის პირველი 12 დღე, ისეთივე იქნება იმ წლის 12-ვე თვე. 1 ინავარი-იანვარის თვე; 2 იანვარი-თებერვლის თვე; 3 იანვარი-მარტის თვე და ა.შ.

გამომდინარე აქედან ჩვენ გვაქვს შესაძლებლობა გარკვულწილად მოვახდინოთ მთელი წლის დაგეგმა და კორექტირება ახალი წლის პირველი 12 დღის მეშვეობით.

ამ პერიოდში ძალიან მნიშვნელოვანია ყოველდღე გავწეროთ ჩვენი გეგმეი, განზრახვები და სურვილები იმ თვისთვის, რომელ თვესაც ეს დღე შეესაბამება. და რაც მთავარია გავატაროთ ეს 12 დღე გაცნობიერებულად და აქტიურად.

თუ თქვენ ამ დღეებს მხოლოდ ქეიფსა და ღრეობას დაუთმობთ, მაშინ ნუ გაგიკვირდებთ თუ მთელი წელი ნაკლებად მოტივირებული იქნებით და არც საკმარისი ენერგია გექნებათ მუშაობისთვის და არც საკმარისი ნერვები.

ასე, რომ სადაც არ უნდა იყოთ და რაცას არ უნდა აკეთებდეთ, მუდამ გახსოვდეთ ახალი წლის ეს მაგიური 12 დღე. ეცადეთ ამ დღეების განმავლობაში იყოთ ამაღლებულ განწყობაზე, დაიძინოთ და გაიღვიძოთ სიხარულით და ოპტიმიზმით სავსე გულით და სიყვარულის და მადლიერების გრძნობით ყველას და ყველაფრის მიმართ.

ამ 12 დღის გაცნობიერებულად გატარებით, ჩვენ შევძლებთ მთელ მომდევნო წელიწადზე პასუხისმგებლობის საკუთარ თავზე აღებას. რადგან სწორედ ამ დღეებში ეყრება საძირკველი მთელ ჩვენს ცხოვრებაშო მომდევნო ერთი წლის განმავლობაში.“

 

შევხვდებით მწვერვალზე!

 

სიყვარულით და მადლიერებით, ხვიჩა მებონია.

 

 

თქვენ შეგიძლიათ ყველაფერი!

 

 

გამარჯობა, ჩემო სუპერეფექტურო მეგობრებო.

ძალიან მიხარია, რომ აქ ვარ, თქვენთან ერთად. ძალიან საინტერესოა ამდენი ადამიანის, ამდენი „სამყაროს“ აღმოჩენა, დაკვირვება, შესწავლა, მათი ღირებულებებისა და ქმედებების გააზრება და საკუთარ ცხოვრებაში დანერგვა.

მადლიერი ვარ უფლის, რომ ამ ყველაფრის საშუალება მომეცა. მერწმუნეთ, ყველა თქვენგანი ძალიან მიყვარს! შეიძლება არადამაჯერებლად ჟღერს (ზოგ თქვენგანს ხომ თითქმის საერთოდ არ ვიცნობ), თუმცა, აი ასე!

მე თქვენ ყველანი ძალიან მიყვარხართ!

მიყვარხართ, რადგან მიყვარს ღმერთი და ღმერთმა თქვენთან ერთად მარგუნა სიცოცხლე დედამიწაზე… თუმცა, არათუ სიცოცხლე მარგუნა თქვენთან ერთად, ამ საოცარ გარემოშიც მომახვედრა და მომცა საშუალება, მეც ვყოფილიყავი თქვენი, გენიოსების საოცარი გუნდის წევრი, მეც გამეზიარებინა თქვენი შეხედულებები, ღირებულებები, ფასეულობები… თუნდაც ის, რომ დღეს ამ სიტყვებს ვწერ და თქვენ კითხულობთ, ძალიან დიდი საჩუქარია ჩემთვის… ასე რომ, დიახ! მე თქვენ ძალიან მიყვარხართ!  გაგრძელება »

არის თუ არა ყველა ადამიანში მზე

screenshot_2

 

ბავშვობაში, როცა საკუთარ თავთან ვრჩებოდი, ყოველთვის ვთხზავდი რაღაც მოთხრობებს, ზღაპრებს, მითებს, იგავებს… ძალიან ბევრი ჩანახატი შემიქმნია გონებაში თუნდაც ექსკურსიების დროს, როდესაც ავტობუსის ფანჯრიდან ულამაზეს ბუნებას შევყურებდი. ყოველთვის, როცა რაიმე ისტორიას ვიგონებდი ჩემი ბავშვური გონებით და მულტფილმების, ზღაპრებისა და საბავშვო მოთხრობების ასაკში მყოფს, ბოროტი გმირის ტიპაჟი უნდა გამომეძერწა, რათა შემდეგ სიკეთეს გაემარჯვა, ვფიქრობდი, ვინ შეიძლება იყოს ბოროტის „როლში“ ჩემს მოთხრობაში, ვის შეიძლება ვარგუნო ეს როლი–მეთქი…  გაგრძელება »

აუტოტრენინგი — სუპერეფექტური ინსტრუმენტი პიროვნული განვითარებისთვის

 screenshot_2

 

გთავაზობთ მორიგ სუპერეფექტურ ტექნიკას რუბრიკიდან: „სავრჯიშოები და ტექნიკები პიროვნული განვითარებისთვის“

ამ ტექნიკას სახელწოდებით „აუტოტრენინგი“, მე გავეცანი ვლადიმირ დოვგანის „გამარჯვებულთა აკადემიაში“. ის ასევე შესულია წიგნში: „5 საუკეთესო სავარჯიშო პიროვნული განვითარებისთვის, რომელიც კი შეუქმნია კაცობრიობას 10 000 წლის განმავლობაში გაგრძელება »

შენ დაიბადე ორიგინალად, ნუ გახდები ვიღაცის ასლი!

brandon_kidwell_10

 

ეს მე შენთვის დავწერე გენიალურო ადამიანო!

გიჭირს დილით ადგომა/გაღვიძება?…გიჭირს ცხოვრებისეული ამოცანების გადაწყვეტა?… მავნე ჩვევებისგან განთავისუფლება?…

ძალიან კარგი, თუ ასეა, გილოცავ შექმნილ მდგომარეობას…რადგან შენ იქ ხარ, სადაც უნდა იმყოფებოდე.

გაგიკვირდება, რა არის აქ მოსალოცი, მაგრამ დამიჯერე, ნამდვილად მოსალოცია! იმიტომ, რომ ადამიანს თუ არ გაუჭირდა, თუ სულმა, გონებამ  წინააღმდეგობა არ ნახა, ისე ვერ გაძლიერდება, ვერ წავა წინ. დაემსგავსება მანქანას რომელიც ბუქსაობს, იმიტომ რომ საბურავებს წინააღმდეგობა არ აქვს, არ არის მოდებაში. ამ ბუქსაობაში ის ნელ ნელა ცვდება  და თუ დიდხანს ვაბუქსავებთ გასკდება, დაიშვებს, მწყობრიდან გამოვა … გაგრძელება »

გაბედეთ ბედნიერება!

screenshot_4

 

იცი, მეგობარო, გუშინ დამესიზმრა… საფლავის ქვაზე მიწერილი ტირესავით ყოფნა–არყოფნის ზღვარზე დააბიჯებდნენ ადამიანები… არც ყოფნა იყო, არც – არყოფნა… არც… არც რაღაც სხვა…
რატომ, მეგობარო! რატომ არ ვაფასებთ ადამიანები სიცოცხლეს! არც კი გვგონია, რომ რაიმე გვაქვს დასაფასებელი ამქვეყნად და მუდმივ წუწუნსა და უმადურობაში ვატარებთ სანუკვარ წამებს!..

მე არ მინდა ასეთი სამყარო… არ მინდა! არა…

მე მჯერა ხვალინდელი აისის… ფეთქვის, სამყაროს წიაღიდან რომ იფრქვევა და… „მომენდე, მე შენთან ვარო“, რომ გაგრძნობინებს! მჯერა ხეზე კვირტების აფეთქების ძალის… აფეთქებისა, „ცოტაც მოითმინეო“, რომ გაჰყვირის…  გაგრძელება »

როგორია სრულყოფილი სამყარო

3165

 

„ხოლო იესუ მიუგო და ჰრქუა: წერილ არს, რამეთუ: არა პურითა ხოლო ცხოვნდების კაცი, არამედ ყოვლითა სიტყვითა, რომელი გამოვალს პირისაგან ღმრთისა.“ (მათ. 4, 4).

ადამიანთა შორის დღემდე მხოლოდ ერთეულებმა თუ შეძლეს უფლის ეს მცნება თავისი ცხოვრების წესად ექციათ…

უნებლიედ მზერა სამყაროსაკენ გადამაქვს და ვხვდები, რომ ის, ერთადერთია რომელსაც შექმნის დღიდან არასოდეს უღალატია უფლის სიტყვისთვის, ის ყოველთვის უანგაროდ, განურჩევლად კეთილისა და ბოროტისა, ყველას თანაბრად უნაწილებს საკუთარ სიმდიდრეს და ასე, პირადი მაგალითით ყოველწამიერად გვიმტკიცებს რომ „უსულო“ ბუნება, რომელსაც თავისი არსებობის პრიორიტეტად სიყვარული უქცევია თვით ადამიანსაც კი აღემატება თავისი გულმოწყალებით. გაგრძელება »