სამი ჯადოსნური ჩასუნთქვა

რუბრიკა: სავარჯიშოები, ტექნიკები

chasuntqva

ეს სავარჯიშო იმდენად მარტივია, რომ შეიძლება ზოგიერთს სასაცილოდაც არ ეყოს, მაგრამ გარწმუნებთ, რომ ესეც სწორედ ის შემთხვევაა როცა „გენიალური – მარტივია“.

ნადეჟდა ბრიჟაკს, ადამიანს ვისგანაც ეს ვისწავლე, ამ სავარჯიშომ ფაქტიურად სიცოცხლე შეუნარჩუნა, ხოლო პირადად მე კი, მას  წარმატებით ვიყენებ როგორც სტრესის მოსახსნელ, დამამშვიდებელ საშუალებას. როცა გაღიზიანების, ბრაზის, რისხვის ან რომელიმე სხვა ნეგატიური ენერგიის გავლენის ქვეშ ვექცევი, საკმარისია 1–2 წუთი, რომელიც ამ სავარჯიშოს შესრულებას უნდა და უკვე სიმშვიდით, სითბოთი და სიყვარულით  ვივსები.

მისი შესრულება შეიძლება ნებისმიერ დროს, ნებისმიერ ადგილას, ყოველგვარი დამხმარე საშუალებების გარეშე და ნებისმიერ პოზაში, არა აქვს მნიშვნელობა, იწვებით, იჯდებით თუ იდგებით, იმიტომ რომ ჩვენ ჩავატარებთ სუნთქვით ვარჯიშს, ოღონდ ჩავატარებთ მას განსაკუთრებული მეთოდით და წესებით. რეკომენდებულია რომ ჩასუნთქვაც და ამოსუნთქვაც იყოს რაც შეიძლება ხანგრძლივი და სრული.

დაჯექით, ან დაწექით, ან დადექით, მოკლედ ვისთვისაც როგორც უფრო მოსახერხებელი იქნება, დახუჭეთ თვალები და გააკეთეთ თქვენი პირველი გაცნობიერებული ჩასუნთქვა. ჩაისუნთქეთ ნელა, ღრმად და გაწელეთ ეს პროცესი რაც შეიძლება ხანგრძლივად. მაგრამ ამ ჩასუნთქვის დროს გთხოვთ იფიქრეთ იმათზე ვისი მადლიერიც გინდათ იყოთ იმისთვის რაც გაქვთ  ცხოვრებაში აქ და ამჟამად. თქვენ შეგიძლიათ იყოთ მადლიერი ღმერთის, სამყაროსი, კოსმოსის, აბსოლუტური გონის, მოკლედ ვისაც როგორც გსურთ.

  1. მაშ ასე, ჩაისუნთქეთ დაჩასუნთქვის პროცესში გულში წარმოთქვით:

გაგრძელება »

რა ჩემი ბრალია

რუბრიკა: მკითხველის გვერდი

 

რა ჩემი ბრალია, ლექსად თუ მეტკინე,

ასე თუ მიყვარხარ, რა ჩემი ბრალია…

გარიჟრაჟს, ხმამაღლა, მე შენზე ვუმღერე —

გრძნობების წინაშე ეს ჩემი ვალია.

 

okribeli

 

ვეცადე ბევრჯერ და მაინც ვერ შევძელი,

გონებამ გულთანაც გააბა ჭიდილი,

რამდენჯერ დავმარცხდი საკუთარ ფიქრებთან,

რამდენჯერ მომგვარე ტკბილ-მწარე ღიმილი…

 

მინდოდა, ვცადე და ხელახლა ვეცდები…

ოცნების მიჯნაზე სურვილი პაექრობს!

იციან, ვმარცხდები, მდუმარე ვერხვებმაც…

საშველი, ნეტავი, სადმე თუ არსებობს?!

 

დღეს, ალბათ, ვერაფერს გავაწყობ დილასთან,

დოქიდან ფიალას შეავსებს მეღვინე…

მიყვარხარ — თუმცაღა დარდებს ვერ ვუშველე!

რა ჩემი ბრალია, ლექსად თუ მეტკინე?..

 

ავტორი: მაკა ხუსკივაძე (ოკრიბელი)

 

like
 

 

5 სავარჯიშო კრეატიული აზროვნების განვითარებისთვის

 რუბრიკა: სავარჯიშოები, ტექნიკები

kreativ

ხშირად ერთ გამონათებას შეუძლია სასწაულები მოახდინოს.

ალბათ ბევრ თქვენთაგანს უფიქრია იმაზე რომ კარგი იქნებოდა ჰქონოდა კრეატიული აზროვნება.

გთავაზობთ 5 სავარჯიშოს, რომლებიც დაგეხმარებათ შემოქმედებითი, კრეატიული უნარების განვითარებაში: გაგრძელება »

პატარა ჩიტი და ხანძარი

რუბრიკა: იგავები

 

ერთხელ, ტყეში, გაჩნდა ძლიერი ხანძარი. ის თანდათან იზრდებოდა და ალში ახვევდა სულ უფრო და უფრო მეტ ტერიტორიას.

ერთი პატარა ჩიტი, დაინახა თუ არა ხანძარი, გაფრინდა მდინარისკენ, დაისველა ფრთები და დაბრუნდა ტყესთან. მან დაიწყო ტყის თავზე ფრენა და თავისი პატარა ფრთებით წყლის წვეთებს ასხურებდა ხანძარში. ცოტა ხნის მერე ისევ დაბრუნდა მდინარესთან და გაიმეორა იგივე. შემდეგ კიდევ და ასე გამალებით დაფრინავდა მდინარესა და ალმოდებულ ტყეს შორის.

chiti

ანგელოზებმა, რომლებიც დიდხანს აკვირდებოდნენ მის თავგანწირულ მცდელობას, ბოლოს ჰკითხეს ჩიტს:

– რატომ აკეთებ ამას? ხომ არ ფიქრობ რომ შენი წვეთებით აბობოქრებულ ხანძარს ჩააქრობ?

– ტყემ მე მომცა ბევრი რამ. მე აქ დავიბადე და გავიზარდე. ტყემ მასწავლა ცხოვრება, ის მაძლევდა საზრდოს, აქ არის ჩემი სახლი, ჩემი სამყარო და როცა მას უჭირს, მე მზად ვარ მის მსახურებაში ბოლომდე დავიხარჯო – უპასუხა ჩიტმა.

ანგელოზებმა, მოხიბლულებმა იმით, თუ რამხელა სიყვარულით ჰქონდა სავსე გული ამ პატარა ჩიტს, შეაჩერეს ხანძარი და ტყე გადაურჩა განადგურებას.

გააგრძელეთ სიყვარულით მსახურება, თუნდაც თავს პატარა ჩიტად გრძნობდეთ უზარმაზარი ხანძრის წინაშე. არც ერთი წვეთი არ არის ზედმეტი. შესაძლოა სწორედ თქვენი წვეთი აღმოჩნდეს გადამწყვეტი.

დახმარება, ყოველთვის მოდის. ეს სამყაროს კანონია.

 

გილოცავთ აღდგომის ბრწყივნალე დღესასწაულს!

 

სიყვარულით და მადლიერებით, ხვიჩა მებონია

 

იგავის წყარო: http://vladimir-fay.ru/

 

 

ფსიქოენერგეტიკული აიკიდო

რუბრიკა: სავარჯიშოები, ტექნიკები

 

ეს ტექნიკა, რომლის ავტორიც გახლავთ ცნობილი უკრაინელი ფსიქოლოგი ვალერი სინელნიკოვი,  არის გარემომცველ სამყაროსთან ეფექტური ურთიერთქმედების ხელოვნება და მისი სრულყოფილად დაუფლებისთვის საჭიროა ნაბიჯ–ნაბიჯ გავარჩიოთ ცხოვრებისეული სიტუაციები, როგორც უკვე ჩავლილი, ისე ისინი, რომლებიც წარმოიშობიან გზადაგზა. თანდათანობოთ ეს პროცესი გახდება ავტომატური და თქვენ დაიწყებთ სამყაროს ახლებურად აღქმას, ჩამოგიყალიბდებათ ცნობიერების ახალი მოდელი, „საკუთარი ცხოვრების ბატონ–პატრონის“ მოდელი. ამასთან ერთად კი გაიხსნება ახალი შესაძლებლობები.

aikudo

 

ნაბიჯი 1. საკუთარ თავზე პასუხისმგებლობის აღება

ყველა მოვლენას ჩემს ცხოვრებაში, ვქმნი მე თვითონ, გარემომცველ სამყაროსთან ერთად, ღმერთთან ერთად. ყველაფერი რასაც მე ვხედავ, მესმის და ვგრძნობ, არის ჩემი აზრების და გრძნობების ანარეკლი. ასევე ჩემს გარშემო მყოფი ადამიანების აზრების, გრძნობების და რწმუნებულებების ანარეკლი.

ჩვენ ყველანი დაკავშირებულები ვართ ერთმანეთთან თანამზრახველობის, თანამონაწილეობის უხილავი ძაფებით. თანამზრახველობით, თანამონაწილეობით სამყაროს ერთიან ორგანიზმთან.

გარემომცველი სამყარო არის ჩვენი აზრების, გრძნობების და ემოციების  ანარეკლი.  გარეთ გამოდის ყველაფერი ის, რაც ჩვენს ქვეცნობიერშია, ჩვენს სულშია. შემთხევითობები არ არსებობს. ყველაფერი ამ სამყაროში კანონზომიერია.

ამიტომ პირველი, რაც უნდა ვთქვათ ნებისმიერი სიტუაციის განხილვისას არის შემდეგი:

  • ეს ჩემი სამყაროა, ჩემი ცხოვრება. ყველაფერს ჩემს ცხოვრებაში, ვქმნი მე თვითონ. ყველა და ყველაფერი ამ სამყაროში მეხმარება მე ნებისმიერი სიტუაციის შექმნაში. და ეს სიტუაციაც მე შევქმენი სხვა ადამიანებთან ერთად.

გაგრძელება »

მშვიდობიანი მეომრის გზა

რუბრიკა: წარმატების ფსიქოლოგია

 

თითქმის  სამ წლიანმა ძიებამ საკუთარი პიროვნული განვითარების გზაზე, მიმიყვანა დენ მილმენის ამ შესანიშნავ წიგნამდე. ეს არის ადამიანი, რომელმაც სამ განზომილებაში დამანახა სამყარო. უმარავ რამეზე დამაფიქრა, რაზეც აქამდე ვერც კი ვხვდებოდი, რომ უნდა მეფიქრა.

დაუსრულებლად შემიძლია ვილაპარაკო ამ წიგნის შესახებ. შეიძლება ბევრ თქვენგანს წაკითხული აქვს ბევრისთვის ახალია. მოკლედ აღარ გავაგრძელებ  და შემოგთავაზებთ მნიშვნელოვან და დასაფიქრებელ ფრაზებს წიგნიდან, რომლებიც სისხლის მიმოქცევას აგიჩქარებთ და ფრენას მოგანდომებთ ზემოთ, ცაში, სადაც არ არსებობს საზღვრები:

 

den milman

 

  • შენთვისვე იქნება უკეთესი, თუ საკუთარ თავზე აიღებ პასუხისმგებლობას შენს ცხოვრებაზე, იმის ნაცვლად, რომ სხვა ადამიანებზე, ვითარებებზე და სირთულეებზე იწუწუნო. იმის შესაბამისად, რაც მეტად გაგეხილება თვალები, დაინახავ, რომ შენი ჯანმრთელობის, ბედნიერების ან სხვა მოვლენის მდგომარეობა შენს ცხოვრებაში, უმეტესწილად შენს მიერ იყო ორგანიზებული, გაცნობიერებულად თუ გაუცნობიერებლად.
    როდესაც ბოლომდე პასუხისმგებელი იქნები საკუთარ ცხოვრებაზე, მაშინ შეძლებ, რომ ბოლომდე გონიერი იყო… 

გაგრძელება »

ანტუან დე სენტ ეკზიუპერის ლოცვა

რუბრიკა: დიდი ადამიანები

 

ღმერთო, მე გთხოვ არა სასწაულებს და მირაჟებს არამედ ყოველი დღის ძალას. მაზიარე პატარა ნაბიჯების ხელოვნებას.

მაქციე დაკვირვებულად, რომ ყოველდღიურობის მრავალფეროვნებაში დროულად შევჩერდე იმ აღმოჩენებზე და გამოცდილებაზე, რომლებმაც ამაღელვეს.

მასწავლე ჩემი ცხოვრების დროის სწორად განკარგვა. მაჩუქე უნარი, რომ გავარჩიო პირველხარისხოვანი მეორეხარისხოვანისაგან.
ekziuperi
მე გთხოვ მომცე ზომიერების და თავშეკავების ძალა, რომ გონივრულად ვგეგმავდე ჩემს ყოველ დღეს, შემეძლოს მწვერვალების დანახვა და ხანდახან მაინც მრჩებოდეს დრო ხელოვნებით ტკბობისთვის.

დამეხმარე გავიგო, რომ არა აქვს მნიშვნელობა ოცნებებს წარსულზე და მომავალზე, დამეხმარე ვიყო აქ და ამჟამად და აღვიქვა ეს წუთი როგორც ყველაზე მნიშვნელოვანი.    გაგრძელება »

გილოცავთ დედის დღეს!

რუბრიკა: იგავები

 

ერთხელ, ამქვეყნად მოვლენის წინ ბავშვის სულმა ჰკითხა უფალს:

–ამბობენ რომ ხვალ დედამიწაზე მაგზავნით. რატომ მივდივარ იქ, რა უნდა ვაკეთო იმ სამყაროში, მე ხომ ძალიან პატარა და დაუცველი ვიქნები?

უფალმა უპასუხა:

–მე გაჩუქებ ანგელოზს, რომელიც დედამიწაზე დაგხვდება. ის ყოველთვის შენთან იქნება და იზრუნებს შენზე.

3 mari

–აქ მე მხოლოდ ვმღერი და ვცეკვავ, ეს საკმარისია ჩემი ბედნიერებისთვის, იქ რა მოხდება?

–იქ დედამიწაზე შენი ანგელოზი გიმღერებს და გაგიღიმებს, გაჩუქებს სითბოს და სიყვარულს.

–და როგორ შევძლებ მასთან ურთიერთობას, მე ხომ არ ვიცი მათი ენა.

–შენი ანგელოზი გასწავლის საკუთარ ენას, ის დაგიცავს ყველა განსაცდელისგან.

–და რა ვქნა თუ ისევ შენთან დაბრუნება მომინდება?

–შენი ანგელოზი მოგიყვება ჩემზე, გასწავლის ლოცვას და გაჩვენებს გზას რომლითაც შეძლებ ჩემთან დაბრუნებას. მისი წყალობით მე ყოველთვის შენს გვერდით ვიქნები.

–და რა ჰქვია ჩემს ანგელოზს?

–არა აქვს მნიშვნელობა მის სახელს. შენ მას დასწყისისთვის უბრალოდ „დედა“–ს დაუძახებ.

 

დედის დღეს გილოცავთ!

სიყვარულით და მადლიერებით, ხვიჩა მებონია

 
წყარო: http://www.smisl-zhizni.ru/pritchi/94-o-lubvi/964-mama
 


 

 

მედალიონი

რუბრიკა: მკითხველის გვერდი

 

medalioniდაბადებიდანვე  ყველა ადამიანს  თან ახლავს  თავის ცხოვრების  მედალიონი. თავიდან ის ძალიან ლამაზია და მზის შუქზე  მკაფიოდ ანათებს. ადამიანის სულშიც  ბრწყინავს  და ანათებს მედალიონის ანარეკლი. ლაღად გადის წლები და ცივი ნიავიც კი, ვერ არღვევს  ადამიანის  სიმშვიდეს, სიხარულს და  ლამაზ დღეებს .

არავინ იცის, რომ ამ ჯადოსნურ მედალიონს მეორე მხარეც აქვს: წარუმატებლობის, დიდი გამოცდის, სინანულისა და მარცხის.

არავინ იცის, როდის შემოტრიალდება მედალიონი მეორე მხარეს  და არავინ იცის, რატომ ხდება ასე.

და როდესაც ასე ხდება, ადამიანს უკვირს — ადრე ხომ ყველაფერი სხვაგვარად იყო?- სვამს უამრავ კითხვას, მაგრამ პასუხი…   გაგრძელება »

სიზმარი

რუბრიკა: მკითხველის გვერდი

 

მინდოდა დამეწერა სიკვდილზე რაღაცა,

მაგრამ აღარ არის, გაიქცა მუზა.

ტერენტი გამახსენდა, ტერენტი გრანელი და

თოფი მივიტანე შუბლთან.

 

აღარ გამოკრაო სასხლეტს თითი,

ხმამაღლა შემომძახა იმ ხმამ.

სათქმელი დაგრჩაო აღარ გითქვამსო

რაც დაგაბარაო იმან.

 sizmari

თოფი ავირიდე, შუბლი გავარიდე,

აღარ გავისროლე იმ ხანს.

მიწაზე დავეშვი და ჩუმად გავირინდე

ვფიქრობდი, ვფიქრობდი დიდ ხანს…    გაგრძელება »