მიზნის მიღწევის სუპერეფექტური ფორმულა m100%M

რა გვემართება ადამიანთა აბსოლუტურ უმრავლესობას, როცა ვისახავთ რაიმე მიზანს?  

თავიდან ჩვენ ვიწყებთ აქტიურ მოქმედებებს, მაგრამ რამოდენიმე დღის შემდეგ ტემპი იკლებს და ერთ დღესაც აღმოვაჩენთ, რომ უკვე კარგა ხანია არაფერი გაგვიკეთებია.

ყოველ ჯერზე, როცა მსგავსი რამ ხდება, გარდა ხილული ნეგატიური შედეგისა, ვერ მიღწეული მიზნის სახით, ჩვენ ვღებულობთ კიდევ ერთ, ფარულ უარყოფით შედეგს, რაც ბევრად უფრო მეტი ზიანის მომტანია, ვიდრე თავად იმ კონკრეტული მიზნის ვერ მიღწევის ფაქტი:

ჩვენ ვკარგავთ თავდაჯერებულობას, საკუთარი თავის რწმენას.

ყოველი ასეთი წარუმატებელი მცდელობის შემდეგ ჩვენს ქვეცნობიერში იწერება აზრები: „მე ვერ ვასრულებ ჩემს სიტყვას, მე ვერ ვაღწევ დასახულ მიზნებს“.

თანდათანობით ისინი ყალიბდებიან, როგორც რწმუნებულებები, როგორც პროგრამები, რომლებიც შემდეგში იქცევიან უდიდეს შემაფერხებელ გარემოებებად ცხოვრების ნებისმიერ სფეროში.

მიზნის მიღწევის სუპერეფექტური ფორმულა m100%M, რომლის ავტორიც გახლავთ ცნობილი ებრაელი მილიონერი და წარმატების ტრენერი ისააკ პინტოსევიჩი, არის მარტივი, მაგრამ გენიალური ინსტრუმენტი, რომლის გამოყენების შემდეგ ფაქტიურად შეუძლებელია ვერ მიაღწიოთ მიზანს.

პირველი პატარა „m“ ფორმულაში ეს არის მინიმუმი.

მინიმუმი ეს არის სიდიდე, რომელსაც ნებისმიერ შემთხვევაში შეასრულებთ. მაგალითად ვარჯიშის შემთხვევაში ეს შეიძლება იყოს თუნდაც 2 წუთი დღეში.  ამ მინიმუმის შესრულებაზე თქვენ იღებთ ვალდებულებას ნებისმიერ შემთხევაში. რაც არ უნდა ხდებოდეს.

და თუ კარგად დააკვირდებით, მიხვდებით, რომ შეუძლებელია ეს მინიმუმი ვერ შეასრულოთ. რაც არ აუნდა გადატვირთული დღე გქონდეთ, თუნდაც ჭამისთვისაც ვერ მოიცალოთ, ბოლოს და ბოლოს საპირფარეშოში მაინც ხომ გახვალთ და მაშინ შეგიძლიათ 2 წუთი დაიმატოთ და გააკეთოთ ვთქვათ აზიდვები, ბუქნი ან თუნდაც ადგილზე „ირბინოთ“.

რას მოგცემთ ეს?

პირველი, თქვენ გამოიმუშავებთ ჩვევას, ყოველდღე აკეთოთ საჭირო ქმედება.

მეორე – 2 წუთიც წინგადაგმული ნაბიჯია და გაახლოებთ მიზანთან.

მესამე – თქვენთვის შედარებით ადვილი იქნება თავს ძალა დაატანოთ და გადალახოთ საკუთარი სიზარმაცე, რომელიც 1 საათიან ვარჯიშზე ბევრად უფრო დიდ და სერიოზულ პროტესტს გაგიწევთ, ვიდრე 2 წუთიანზე.

მეოთხე და ყველაზე მთავარი – თქვენ შეინარჩუნებთ  ნდობას საკუთარი თავისა და საკუთარი სიტყვისადმი. თქვენ ხართ ადამიანი, რომელიც ასრულებს ყველა თავის გადაწყვეტილებას და ვალდებულებას და აღწევს მიზნებს. აი ამაშია ძირითადი არსი პირველი m-ისა ამ ფორმულაში.

100% – ეს არის სწორედ ის, რაც თქვენ გჭირდებათ მიზნის მიღწევისთვის. იგივე ვარჯიშის შემთხევავში ვთქვათ ეს შეიძლება იყოს 1 საათი.

მიზნების m100%М ფორმულით დაგეგმვის შემთხევაში, 80% ყოველდღიური ქმედებებისა შესრულდება სწორედ 100%-ით.

მეორე „M” ამ ფორმულაში არის მაქსიმუმი. ეს არის პრაქტიკულად განუსაზღვრელი სიდიდე, რომელიც თქვენ შეგიძლიათ ასევე შეასრულოთ განსაკუთრებული შთაგონების შემთხევვაში. ეს არის ერთგვარი შუქურა იდეალური ვარიანტზე. მაგალითად ვარჯიშის შემთხევაში ეს შეიძლება იყოს 2, 3, 4  საათი ან რამოდენიმე თითოსაათიანი ვარჯიში დღეში.

მოკლედ მიზნის ამ მეთოდით ფორმულირების შემთხევაში თქვენ გექნებათ შემდეგი სურათი:

– თქვენ ყოველთვის ასრულებთ საკუთარ გადაწყვეტილებებს მინიმუმით მაინც და მუდმივად მიიწევთ წინ;

– 80%-ის შემთხევაში თქვენ გეგმას ასრულებთ 100%-ით;

– იზრდება თქვენი თავდაჯერებულობა, საკუთარი თავისადმი რწმენა;

– თქვენ ყოველთვის აღწევთ მიზნებს, ვინაიდან შედეგი ყოველთვის დამოკიდებულია თქვენს ქმედებებზე;

გახსოვდეთ, ყოველდღიური ქმედებები, თუნდაც მინიმალური ძალისხმევით, გვაძლევენ უდიდეს პროგრესს და თუ თქვენ, თუნდაც მინიმუმით, მაგრამ ყოველდღე გააკეთებთ გარკვეულ ქმედებას მიზნისკენ მიმავალ გზაზე, აუცილებლად მიაღწევთ ამ მიზანს.

P.S. გაუზიარეთ ეს პოსტი მეგობრებს. ვინ იცის, იქნებ რომელიმე მათგანი ახლა ცხოვრების ისეთ ეტაპზეა, რომ ჰაერივით სჭირდება მსგავსი ინფორმაცია.

 

შევხვდებით მწვერვალზე!

 

სიყვარულით და მადლიერებით, ხვიჩა მებონია

 

 

საინტერესო პოსტები

• პოზიტივის სკივრი – სუპერეფექტური ტექნიკა პოზიტიური აზროვნების ჩვევის გამომუშავებისთვის
• როგორ გამოვიმუშავოთ დილით ადრე ადგომის ჩვევა?
• ეძებეთ თქვენი „რატომ“, თუ გინდათ იპოვოთ პასუხი კითხვაზე – „როგორ“
• იცი, რა პარტიას ასრულებ ცხოვრების სიმფონიაში?
• რატომ უნდა მივხუროთ ხანდახან ჩვენი სულის ფანჯარა
• სტადიონზე მყოფი 10 ათასი ადამიანი, ფეხზე იდგა და ჩუმად ტიროდა
• 10 ყველაზე ცნობილი შეცდომა, რომელიც დაუშვეს თავიანთ სფეროში ავტორიეტეტებად აღიარებულმა ადამიანებმა
• აუტოტრენინგი – სუპერეფექტური ინსტრუმენტი პიროვნული განვითარებისთვის
• რას ნიშნავს “ოსიმ ხაიმ” და როგორ დავტკბეთ ცხოვრებით?
• გაყიდე შენი ნაკლი
• როგორ შევიტანოთ სინათლე ჩვენს შინაგან სამყაროში…
• სახლი 1 დოლარად