თუ თქვენ მოგივიდათ რაიმე იდეა, მაგრამ აღმოაჩინეთ, რომ თქვენთვის ავტორიტეტული ადამიანები და შესაბამისი სფეროს ექსპერტები მას არარეალურად ან სულაც უაზრობად თვლიან, ნუ დაყრით ფარხმალს.
ექპერტების ცოდნა ემყარება გამოცდილებას. ანუ ისინი პროფესიონალები გახდნენ იმიტომ რომ კარგად შეისწავლეს კონკრეტულ თემაზე კაცობრიობის ისტორიაში არსებული ყველა გამოცდილება. მათ იციან ყველაფერი ან თითქმის ყველაფერი იმაზე რაც უკვე მომხდარა, მაგრამ ეს არ ნიშნავს იმას, რომ ისინი ყოველთვის შეძლებენ სიახლის სათანადოდ შეფასებას.
საქმე იმაშია, რომ მათი, და საერთოდ, ადამიანთა აბსოლუტური უმრავლესობის ცოდნა როგორც წესი, ზის მოცემულ ეტაპზე და ეპოქაში კაცობრიობის განვითარების დონის ჩარჩოებში და ვერ გებულობს და შესაბამისად ვერ ხსნის იმას რაც ამ ჩარჩოებს მიღმა იმყოფება.
სწორედ ამიტომ დაწვეს კოცონზე ჯორდანო ბრუნო, სწორედ ამიტომ გამოამწყვდიეს საგიჯეთში გულიელმო მარკონი, ამიტომ უწოდეს ბელის გამოგონებას უსარგებლო სათამაშო, დაუფრთიანებელი სულელ ბავშვებად მონათლეს გუგლის დამფუძნებლები, სასაცილოდ არ ყოფნიდათ სტივ ჯობსის და ბილ გეიტსის იდეები, მაგრამ ერთი წუთით წარმოიდგინეთ სამყარო ამ გენიალური ადამიანების და მათი, იმ დროის საზოგადოებისთვის არალოგიკური აზროვნების და უაზრო იდეების გარეშე.
სამყარო და ცვილიზაცია ვითარდება სწორედ ასეთი არალოგიკური, გიჟური აზროვნების ადამიანების წყალობით.
ამიტომ, მოდით, ნუ ვეცდებით ყველაფრის ადამიანური ლოგიკით ახსნას…
ამ სამყაროში არსებობენ ბევრად უფრო მძლავრი, ბევრად უფრო დიადი და ბევრად უფრო გონიერი ძალები ვიდრე ადამიანური ლოგიკაა და რაც უფრო მეტად შევძლებთ ამის გათვითცნობიერებას, მით უფრო მალე შევძლებთ თავადაც ყოველდღიური ერთფეროვნების ჩარჩოების გარღვევას და მით უფრო მეტია ალბათობა, რომ ერთ დღეს, თავად თქვენც გეწვიოთ ლოგიკისთვის შეუფერებელი გიჟური იდეა, რომელიც სრულიად შეცვლის თქვენს ცხოვრებას და შეიძლება მთელ სამყაროსაც.
ახლა კი გთავაზობთ, სხვადახვა ეპოქაში, თავიანთ სფეროში ავტორიეტეტებად აღიარებული ადამიანების ყველაზე ცნობილი 10 შეცდომის ჩამონათვალს:
1. ვფიქრობ, რომ მსოფლიო ბაზარზე ჩვენ შევძლებთ ვიპოვოთ მოთხოვნა მაქსიმუმ 5 კომპიუტერზე. (თომას ვატსონი – კომპანია IBM –ის დირექტორი, 1943 წ.)
2. არ არსებობს არანაირი მიზეზი იმისა, რომ ვინმეს გაუჩნდეს სურვილი სახლში ჰქონდეს საკუთარი კომპიუტერი. (კენ ოლსონი – კომპანია “Digital Equipment Corp.” – “DEC” –ს დამფუძნებელი და დირექტორი, 1977 г.)
3. ისეთ მოწყობილობას, როგორიც ტელეფონია, გააჩნია უამრავი ხარვეზი იმისთვის, რომ განვიხილოთ ის როგორც კავშირის საშუალება. ამიტომ ვფიქრობ, რომ ამ გამოგონებას არა აქვს არანაირი ღირებულება და შესაბამისად მომავალი. (უილიამ ორტონი – Western Union –ის პრეზიდენტი, 1876 წ.)
4. ამ უსადენო მუსიკალურ ყუთს არ შეიძლება ჰქონდეს რაიმე კომერციული ღირებულება. ვინ გადაიხდის ფულს ისეთი გზავნილისთვის, რომელიც არ არის განკუთვნილი კონკრეტული პიროვნებისთვის?! (ასოციაცია “David Sarnoff” –ის პარტნიორების პასუხი რადიოს შექმნის პროექტის დაფინანსებაზე, 1920 წ.)
5. 100 მილიონი დოლარი ძალიან დიდი ფასია Microsoft – ისთვის (IBM, 1982 წ.)
6. კონცეფცია საინტერესოა და კარგადაც არის გაფორმებული, მაგრამ მოკლებულია საღ აზრს. (იელის უნივერსიტეტის პროფესურის დასკვნა ფრედ სმიტის მიერ შეთავაზებულ „სახლში მიწოდების სერვისის“ დაარსების იდეაზე. (ფრედ სმიტი Federal Express Corp – ის დამფუძნებელი)
7. ვის რაში აინტერესებს მსახიობების საუბარი?! (გარი უორენის (Warner Brothers) რეაქცია კინემატოგრაფიაში ხმის გამოყენების იდეაზე. 1927 წ.)
8. მათ არა აქვთ ხმა და საერთოდ – გიტარა ხომ უკვე გუშინდელი დღეა. (ხმის ჩამწერი სტუდიის Decca Recording Co.–ს პასუხი “The Beatles” –ის ალბომის ჩაწერის წინადადებაზე 1962 წ.)
9. ჰაერზე უფრო მძიმე წონის მფრინავი მანქანის შექმნა შეუძლებელია. (ლორდ კელვინი სამეფო საზოგადოება „Royal Society“ –ს პრეზიდენტი, 1895 წ.)
10. მიწის თხრა ნავთობის მოპოვების მიზნით? თქვენ ამბობთ, რომ უნდა გაიბურღოს მიწა, რომ ვიპოვოთ ნავთობი? თქვენ რა გაგიჟდით?! (რეაქცია ედვინ დრეიკის პროექტზე 1859 წ.)
P.S. გვაუზიარეთ ეს პოსტი მეგობრებს. ვინ იცის რომელიმე მათგანს ახლა როგორ სჭირდება მოტივაცია და მხარდაჭერა მსგავსი სახის ინფორმაციით.
შევხვდებით მწვერვალზე!
სიყვარულით და მადლიერებით, ხვიჩა მებონია
საინტერესო პოსტები
რატომ უნდა მივხუროთ ხანდახან ჩვენი სულის ფანჯარა
პოზიტივის სკივრი – სუპერეფექტური ტექნიკა პოზიტიური აზროვნების ჩვევის გამომუშავებისთვის
იცი, რა პარტიას ასრულებ ცხოვრების სიმფონიაში?
როგორ ვაქციოთ შიში ჩვენს მოკავშირედ
მიზნის მიღწევის სუპერეფექტური ფორმულა m100%M
შინაგანი ბორკილები – ანუ როგორ შეიძლება ჩვეულებრივი თოკით დავაბათ უზარმაზარი სპილო
დუელი ბედისწერასთან
ბავშვები ღატაკთა თავშესაფრიდან და მათი მფარველი ანგელოზი
როგორ გამოვიმუშავოთ დილით ადრე ადგომის ჩვევა?
რას ნიშნავს “ოსიმ ხაიმ” და როგორ დავტკბეთ ცხოვრებით?
ეძებეთ თქვენი „რატომ“, თუ გინდათ იპოვოთ პასუხი კითხვაზე – „როგორ“
მივცეთ თუ არა მათხოვარს ფული?
Ee es saqartveloa samcuxarod,sadac axali inovaciebi,axali poeqtebi.axali ideebi aravis schirdeba,da ubedureba isaa,rom arc aravin gismens.amitomaa qartveli yvelgan kargataa,vidre tavis samshobloshi.amitom mec saqartveloshi axals arafers vaketeb,ar vqmni saubedurod.yvelafers vaketeb sazxvargaret.imedi ar dakargot!!!acmyo tu aragvcyalobs,momavali shvilishvileebisaa.
საკმაოდ საინტერესო სტატიაა . დავეთანხმები ბატონ მიხეილს და ვიტყვი რომ “ეს საქართველოა” სადაც ყველაფერი ისე რთულია წარმოდგენაც კი გაუჭირდება ადამიანს, სამაგიეროდ ჭამა-სმა და დროსტარება არ გვერთულება არავის. თუმცა ძალიან არასწორი იქნება თუ ამ ფრაზით “ეს საქართველოა” “ყურებს ჩამოვყრით”. არავითარ შემთხვევაში , თუ ის გვახსოვს რომ ჩვენ დროს ტარების მოყვარული ხალხი ვართ ისაც უნდა გვახსოვდეს რომ ისტორიულად დიდ მებრძოლ ხალხად მოვიხსენიებით. ბრძოლა არ უნდა შევწყვიტოთ. თვითოეულ ადამიანმა უნდა გაითავისოს ეს და საკუთარ სფეროში ეცადოს რაც შეიძლება მეტი გააკეთოს ნაცვლად ერთი , საზოგადოებაში უკვე ღრმად გამჯდარი ფრაზის წარმოთქმისა “ეს საქართველოა”.