მშვიდობიანი მეომრის გზა

რუბრიკა: წარმატების ფსიქოლოგია

თითქმის  სამ წლიანმა ძიებამ საკუთარი პიროვნული განვითარების გზაზე, მიმიყვანა დენ მილმენის ამ შესანიშნავ წიგნამდე. ეს არის ადამიანი, რომელმაც სამ განზომილებაში დამანახა სამყარო. უმარავ რამეზე დამაფიქრა, რაზეც აქამდე ვერც კი ვხვდებოდი, რომ უნდა მეფიქრა.

დაუსრულებლად შემიძლია ვილაპარაკო ამ წიგნის შესახებ. შეიძლება ბევრ თქვენგანს წაკითხული აქვს ბევრისთვის ახალია. მოკლედ აღარ გავაგრძელებ  და შემოგთავაზებთ მნიშვნელოვან და დასაფიქრებელ ფრაზებს წიგნიდან, რომლებიც სისხლის მიმოქცევას აგიჩქარებთ და ფრენას მოგანდომებთ ზემოთ, ცაში, სადაც არ არსებობს საზღვრები:

• შენთვისვე იქნება უკეთესი, თუ საკუთარ თავზე აიღებ პასუხისმგებლობას შენს ცხოვრებაზე, იმის ნაცვლად, რომ სხვა ადამიანებზე, ვითარებებზე და სირთულეებზე იწუწუნო. იმის შესაბამისად, რაც მეტად გაგეხილება თვალები, დაინახავ, რომ შენი ჯანმრთელობის, ბედნიერების ან სხვა მოვლენის მდგომარეობა შენს ცხოვრებაში, უმეტესწილად შენს მიერ იყო ორგანიზებული, გაცნობიერებულად თუ გაუცნობიერებლად.
  როდესაც ბოლომდე პასუხისმგებელი იქნები საკუთარ ცხოვრებაზე, მაშინ შეძლებ, რომ ბოლომდე გონიერი იყო… 

• ემოციები ბუნებრივი ადამიანური ემოციებია, გამოხატულების ფორმებია. ხანდახან დამახასიათებელია შიშის, შეცოდების ან რისხვის გამოხატვა, მაგრამ ენერგია ბოლომდე გარეთ უნდა გამოდიოდეს და შიგნით არ რჩებოდეს. ემოციის გამოხატულება სავსებით ძლიერი უნდა იყოს. შემდეგ კი უკვალოდ გაქრეს. სწორედ ამაში მდგომარეობს ემოციების მართვის მეთოდი. მიეცი მათ საშუალება მოვიდნენ და წავიდნენ.

• როცა ბავშვი გაბრაზებულია, იგი საკუთარ თავს ტირილით გამოხატავს, სუფთა ტირილით. ის არ ფიქრობს იმაზე, უნდა იტიროს თუ არა. ხელში აიყვანე ან აჭამე და ცოტა ხანში მისი ტირილისგან კვალიც აღარ დარჩება. თუ ბავშვი გაბრაზებულია, მთელი სიცხადით გაგაგებინებს ამას, მაგრამ ეს ბრაზი სწრაფად ქრება. შეგიძლია წარმოიდგინო ბავშვი, რომელიც დანაშაულის გრძნობას განიცდის თავისი ბრაზის გამო? ბავშვები საშუალებას აძლევენ მას, რომ მოვიდეს და წავიდეს, ბოლომდე გამოხატავენ მას და ჩუმდებიან. ბავშვები მშვენიერი მასწავლებლები არიან, რომლებიც ენერგიის სწორად გამოყენების დემონსტრირებას ახდენენ. ისწავლე ეს და ნებისმიერი ჩვევის დემონსტრირებას შეძლებ.

• ზომიერება, ეს შენიღბული საშუალებაა, შიში და დაბნეულობაა. ეს კეთილგონივრული ეშმაკური ტყუილია. ეს მყიფე კომპრომისია, რომელმაც ვერავინ გახადა ბედნიერი. ზომიერება ეს რბილი, წარა-მარა ბოდიშის მომხდელი, სამყაროზე დამკვირვებლებისთვისაა, რომლებსაც ეშინიათ რაიმე მოიმოქმედონ. ეს მათთვისაა, ვისაც ეშინია გაცინების ან ტირილის, მათთვის – ვისაც ეშინია სიცოცხლის ან სიკვდილის. ზომიერება, ეს თბილი ჩაია, რომელსაც თავად ეშმაკი ამზადებს.

• არასოდეს არაა საჭირო შეეწინააღმდეგო ვინმეს არ რამეს. როცა ხელს გკრავენ – მოზიდე, როცა თავისკენ გექაჩებიან – ხელი ჰკარი. იპოვე მოძრაობის ბუნებრივი მიმართულება და მიჰყევი მას. მაშინ შენ შეუერთდები ბუნებრივ ძალას.

• ადამიანები, ცხოველები და საგნებიც კი მიიზიდებიან და კარგად გრძნობენ თავს ენერგეტიკულ ველთან ახლოს.

• საწყენი სიკვდილი არაა, საწყენი ისაა, რომ ადამიანების უმეტესობა საერთოდ არასოდეს არ ცხოვრობს ნამდვილად. სიკვდილი ტრანსფორმაციაა და უფრო რადიკალური ვიდრე სქესობრივი მომწიფება, მაგრამ ისეთი არაფერია, რის გამოც უნდა დამწუხრდე. ეს სხეულის ერთერთი ცვლილებაა და მაშინ ხდება როცა ხდება.

• სულელი ბედნიერია, როცა მისი სურვილები კმაყოფილდება, მეომარი ბედნიერია უმიზეზოდ. მიზეზები, რომ უბედური იყო არ არსებობს.

ავტორი: სოფიო ჩიტაშვილი