ზღვარზე

   საკონკურსო ნაშრომი N10                              

                           

 

საკუთარ თავთან გამიმართავს დღეს ორთაბრძოლა

უფლება არ მაქვს დამარცხებულის ტიტული მერგოს,

უნდა დავძლიო მაცდური ფიქრი. დიადი გრძნობა,

„არ შეიძლება!“ გულით ვმართო, მორჩა და მეყოს!!!

 

ვგრძნობ, როგორ უცებ შეიცვალა გრძნობები ჩემში,

მწვავე სიცივემ, როგორ სწრაფად დაიდო ბინა

„ბოროტი“ ფიქრიც შემოიჭრა უეცრად სულში

მყისვე გავაგდე, ამაცრემლა და შემამცივნა.

 

მძულს, რადგან ჩემში სიძულვილს აქვს სარკმელი ღია,

რადგან ჩემ კართან ბოროტება თავის რიგს ელის,

და მიყვარს… გულს რომ სითბოს კვალი ისევ ატყვია,

ეშმას რომ არ აქვს ამ კარებში უფლება შესვლის.

 

უკვე სარდაფში მოვათავსე გრძნობები თბილი,

სარდაფის კარზე მსურს ვხედავდე დაჟანგულ ურდულს,

მე და სიცივეს გაგვიმართავს მკაცრი დუელი,

და არ მსურს „მსხვერპლად“ შევეწირო სიცივის ყინულს.

 

ავტორი: Rousso     

 

 

 

დატოვეთ კომენტარი

Проверка комментариев включена. Прежде чем Ваши комментарии будут опубликованы пройдет какое-то время.