1. ყოველდღე ვიაროთ პიროვნული განვითარების გზით, ყოველდღე გავაუმჯობესოთ საკუთარი თავი.

მაგალითად დღეს, ერთი ღმილით მეტი გავიღიმეთ, როცა გვტკიოდა, გვწყინდა და ა.შ. – ეს უკვე გამარჯვებაა! დიახ, გამარჯვება, რადგან ჩვენ გავხდით უფრო ძლიერი, უფრო გაცნობიერებული, უფრო გავიზარდეთ.

ჩვენ ვერ ავხტებით უცებ მეათე სართულზე, ვერცერთი ადამიანი, რაც არ უნდა ნავარჯიშევი იყოს, ვერ ახტება უცებ მეათე სართულზე, მაგრამ თუ ჩვენ ყოველდღე, სიხარულით და სიამოვნებით გავივლით თანმიმდევრობით საფეხურებს, ვერც ვიგრძნობთ ისე შეგვიძლია ავიდეთ მეათე სართულზეც და მეასეზეც.

2. და რაც ყველაზე მთავარია მივიღოთ სიამოვნდება ამ პროცესისგან. მივიღოთ სიამოვნება კითხვისგან, ფიქრისგან, სავარჯიშოების და დავალებების შესრულებისგან.

მერწმუნეთ, არ არსებობს იმაზე უფრო სასიხარულო გრძნობა ადამიანისთვის, ვიდრე სიხარული, რომელსაც ვღებულობთ ჩვენი შინაგანი სულიერი, ინტელექტუალური, ემოციონალური, ენერგეტიკული ზრდისგან.

ჩვენ შეგვიძლია შევცვალოთ მხოლოდ ის, რაც გვესმის, რასაც ვაკვირდებით, ვაკონტროლებთ და ვზომავთ. ჩვენი ცხოვრება შეიცვლება ერთხელ და სამუდამოდ იმ მომენტში, როცა გავაკონტროლებთ ჩვენს აზრებს, გრძნობებს, ემოციებს და სხეულს. 

ამის მიღწევა კი შეიძლება მხოლოდ ჩვენი სულის, ჩვენი სხეულის, ჩვენი გონების მუდმივი და დაუღალავი წვრთნით.

სწორედ ესაა დღეს ჩვენი მთავარი ამოცანა, იმიტომ რომ მატერიალური სიმდიდრე, დიდება, ძალაუფლება, კარგი მეგობრები, ძლიერი, ბედნიერი ოჯახი-ეს არის უკვე შედეგი, ეს ყველაფერი თან ერთვის ჩვენს შინაგან განვითარებას. ჩვენი შინაგანი ზრდა, სულის, ინტელექტის და სხეულის სრულყოფილება, ესაა ძლიერი ლოკომოტივი, ბედნიერი და მდიდარი ცხოვრების წარმმართველი და მამოძრავებელი ძალა, სავსე სიყვარულით, სიხარულით და წარმატებით.